يالله يامنزل حديث وسوره

قد انجلى عنا الظلام بنوره

انت الموفق ربنا وفقني

دار الفلك هذا الزمان يدوره

مبدع ولي في الشعر قصرٍ عالي

يزورني جزل الشعر وازوره

إعروق راسي تنتخي في شعري

وفي كل عرقٍ للجزاله فوره

وقام الشعر يجتث جزل المعنى

يجتث جزله من صميم جذوره

حالف رفيقي ما اقصده بالزله

بعض العرب هرجه ردي ويخوره

احمي رفيقي وافتخر في فعله

احمي غيابه وابتهج لحضوره

لاتمد لي الفنجال يالي تصبه

ان كان مانفسي لربعي غيوره

وان كان ذكري ما يجمل ربعي

وذكري وراسي الحدو لقبوره

انا احمد الله يوم ربي وفق

وأعطاني بيوت الشعر وقصوره

ان انتهى يومي لفاني ليلي

لفتني ابيات الشعر موفوره

ونا بشعري حالفٍ اسعدكم

ببعد طلاسيم الشعر وسحوره

الشعر فكره والكلام حروفه

ضمه وفتحه فوقهم منشوره

والحرف ساكن اويجي متحرك

واوقات تاتي سكنته مستوره

واحذر ترى بعض الحروف تخذلك

بعض الحروف الساكنه مكسوره

واخذ كلامي صادقٍ بالمعنى

صدق الكلام اخذه وجنب زوره

بشرح لكم موروثنا والشعبي

وبكتب عن اوزان الشعر وبحوره

البحر الاول من الهلال هلالي

يرجع باسمه لاسرة مشهوره

بنو هلال اسمٍ يعز اصحابه

ولهم قصايد خالده مسطوره

وثاني البحور من الصخر ضخري

من اقدم بحور الشعر ونهوره

معروف عنه للحزن والفرقى

ماهو يعرفه من لعب بالكوره

ويتلاه بحرن بالحدى ومسمى

معروف عنه للبدو محشوره

ويتلاه بحرن خالدٍ في ذكره

بحرن جميلٍ يعجب المبحوره

بحر المروبع والمروبع واضح

بحرن بصوته يشبه النافوره

لشاعر المعروف ابن الهزاني

كان السبب فبدايته وظهوره

وبحر المعارك والغزاوي هجيني

يحمس الفرسان نهار الثوره

والبحر هذا يعرفه اكثركم

القلطه الي للعب والدوره

وقصيدتي شف طرقها المسحوبي

جبرتها لين اصبحت مجبوره

هاذي الاصول وبه فروعن واجد

والشعر له ناسه وله جمهوره

منها المديد والطويل و وافر

كامل ورزجر والرمل في الصوره

خفيف ومضارع ومحدث فنه

ومتقاربٍ واللي وبسيطٍ طوره

هذا ونا اطلب عذركم ياساده

هاذي موازين الشعر وبحوره