بنيت لك في داخل الصدر تمثال

وانته هدمته بعد مانا بنيته

البال ضايق وانت ياسالي البال

قتلت حلمٍ بالمهد مابديته

وقتلت فكرن بالشعر فيك يختال

ياللي تجافيني وقلبي كويته

جريت لك من داخل الصدر موال

وصدى الحزن في جال صوتي لقيته

جيتك ونا ضامي وله والظمى طال

واسقيتني جرح وخفوقي رويته

صبيت لي من دلة الكذب فنجال

ونا احتسيته ليتني مااحتسيته

بليل تتركني على حلم وأمال

وبالصبح تنقظ هرجك اللي حكيته

ان كان تحسب عشقنا ذل واذلال

لابوك لابو العشق حيه وميته