على لحن الخلود ونغمة الناي وفتات الشوق
وعصافير الغرام اللي تغني فوق عود الراك
ورسايل حبنا قبل الوعد وإحساسي المرموق
وصبر العاشق اللي في ظلاام الليل يستناك
ومراسيل الهواء اللي في ضميري منزلتها فوق
وخيالك مرني شامخ يذكرني شموخ إصباك
ونسيم الصبح ذكرني بغدر العشق بالمعشوق
وجنون العاشق اللي هام في حبك بدون إدراك
سحاابة عشقنا تمطر عتب ياخلي المطفوق
وبرق الشوق سراني علامه ليه ما سرااك
تقولين الهواء لعبه ماتدرين ان غلااك يفوق
كرم حاتم لمنه رحب بضيفه هلاا حيااك
تناسيتي وعودك ياملاك الحسن ويا الذوق
وتناسيتي الطريق اللي على بر الامل ودااك
وتناسيتي تناهيت الوله في صدري المحروق
وتناسيتي العشير اللي عطاك وياكثر ماأعطاك
عزاه انه لبس ثوب التوجد عالمتن مشقوق
اثر هالشق طعنة غدر إبمتنه والسبب شلفااك
وعزاه انه نوى يرحل رحيل الضايع إمن النوق
وعزاه انه على درب الرحيل تجرحه الاشواك
وعزاه انه على ذكرى رحيلك يحتريه الشوق
وعزاه انه عشق وجهك ولا خانك ولا أذاك
وعزاه انه على لحن الخلود ان خانه المنطوق
كتبك أحلى قصيده ياملاك الكون ثم غناك
وترى همه ترجع له بقايا قلبه المسرووق
واخذ منه عهد ولا وعد مهما حصل ينساااك
وعزم يرجع على لحن الخلود ويعزفك برفوق
يغني جعلك بخير وسعااده والحزن يجفاك