العولمه تعني تناقض فكر يالحظ العليل

العولمه تعني هذولا الناس زاد اشغالها

العولمه تعني ضياع الحق في وجه الجميل

يعني كذا ولا كذا الناس زاد هبالها

العولمه تعني تشب الحقد في راس الفتيل

يعني لزوم إدق طبل المشكله واهوالها

العولمه تعني شموخ الذات في عين الذليل

مامدام بزران المجالس ماحشمت عقالها

العولمه تعني الدمار وحالنا اكبر دليل

هم وغرابيل واسى والنفس ياعزالها

العولمه تعني خراب العقل والمال الكفيل

يعني مادام المال عندك حيلتك تحتالها

يعني تكبر لا يهمك لا كثير ولا قليل

مادامك الشيخ المسمى هاتها باإهزالها

العولمه صارت كفيله تجعل الطيبه إتزيل

والمال يطغى عالعقل والنفس زاد اخبالها

العمر زايل والبني ادم يحسب انه طويل

يمشي على درب الخطاء والمخطيه يشتالها

والوقت خلى كل صاحب عقل باحساسه هبيل

قاعد يفكر كيف هاذي دنيتي واحوالها؟

وقاعد يفكر وين وقت العز والفعل النبيل؟

وين التسامح والرجال اللي تعز افعالها

يوم الخليل يمد يد العون لا طاح الخليل

ويوم الطهاره في قلوب الناس زاد اوصالها

ولى زمان اجدادنا وقت التسامح والصهيل

وصرنا بوقتٍ اجتمع فيه الهزل واجزالها

ماعم انا كل البشر فيه الرجال اللي تشيل

كل الحمول اليا ارتكت شلت جميع اثقالها

ونا لقيت الحال شاين والزمن صاير يميل

والناس صاير همها تسعى لجمع اموالها

البرق يبرق بالسماء وعيني مع البارق تخيل

والحمل مايل والجمال ارغت على جمالها

انفوس هالعالم كبيره ليش يالوقت الهزيل

كلن يشوف انه كبير وعاليٍ منزالها

وكلن يشوف انه هو اللي صاحب الفعل الجزيل

لابوك ياوقتٍ جمعت فحولها ورخالها

وحنا بوقت العولمه ويلاه يالحظ العليل

يعني غرور وكبر نفس وحالة ٍ يرثى لها