وضحي لي ما قدرت اوصل لحل..أقبله
وانتي قلبك لي محطه..والجروح مسافرين
زهرة الموعد تموت..والثلاث المقبله
كل ماحاولتها..تحلى على عيني تشين
مثل مايحتاج نور الشمس..نبت السنبله
ومثل ماتنبت على جروحي..ورود الياسمين
أنا محتاجك..ومالي غير دربك أرحله
والشموس اللي ضوتني..في دروبك ماتبين
آه من بعض الجروح..ومن فضول الاسئله
خلفي وقدمي ومن فوقي..يساري واليمين
مشكلتنا ماتوصلنا..لحل المشكله
لا قدرت أنساك لحظه..ماقدر قلبك يلين
يعرفك بعضي..وبعض اللي تعرفين أجهله
كيف انا بيني وبينك..كلمتين وخطوتين
مسأله تصغر..وتكبر في عيوني مسأله
لا متى أبقى هنا..وانتي هناك وماتجين
عاشقٍ جاته رماحك..صابته في مقتله
انبرى طول الليالي..وانبرت فيه السنين
من هنا..وهناك وهنيا..دروب مقفله
وانتي قلبك لي محطه..والجروح مسافرين