عمار يابيتٍ تروده ضيوفه

غربٍ من القاره وشرقي نفوده

عمار يابيت الكرم والكلوفه

بيتٍ مناعير النشامى تروده

محل من نشتاق دايم لشوفه

شيّال حمل اللي تراخت عضوده

هذاك ابو طارق عديمه وصوفه

العيلم اللي ماتونّي وروده

نفسه على كسب المعالي ولوفه

من جاه يشهد له وانا من شهوده

من روس قوماً من قديم معروفه

اللين والترحيب ميزة جدوده

وليا نصاهم خايفٍ زال خوفه

يامن ولا أحداً يقترب من حدوده