يا ساحة الشعر والشعّار والساحه

وش حيلة اللي جمال الكون في شَفّه

بعض القلوب الرهينه جات مرتاحه

لكن فؤادي من اللي واقف بصفّه؟

حسبي على اللي أخذ قلبي ومفتاحه

وعرق الهوى في ضميري لفّه بلفّه

أبو عيونٍ كحيله .. سود .. ذبّاحه

وغمازتينه دمارٍ تغزو الشفه

وليلٍ تحدّر ياكنّه لفّة وشاحه

ورموش عينه غرامٍ جات مصطفه

والخصر ياكثر ماني شايف لحاحه

على الردايف يقول بليز يالعفه

ما كنّه الا زجاجة عطر فوّاحه

زيِنه بكفه وزين الناس في كفه

عزّاه ياهب نفح الشرق ورياحه

ولبيه لامن وصلني من كذا هفه

لكن حقيقه وشاعر فر مسباحه

مرّه يمين وشمال ومرّه إيْكفه

لو إختطاف البشر نصوا بإباحه

كان أخطفه لو حدوده داخل الضفه

القلب يطْلع وهو للقب ملواحه

والقلب من سبّته صاير على الحفه

من يوم قفّى وهو عجل بمرواحه

صارت عروق الحزن بالوجد ملتفه

قد قلتله يالغلا الحب بالرااااحه

واللي طلبك المحبه بالغلا وفّه

لكن عجزت أفهمه بالجد ومزاحه

ومرّات أحس العقل منصاب بالخفه

وألحين يا ساحة الشعّار والساحه

وش حيلة اللي جمال الكون في شَفّه؟؟