لا تتصل بي ماحصل منك كافي

يكفي عذاب أنشهد إنه كفايه

لا تحسب إنه بإتصالك عوافي

لا شفت رقمك إيتزايد عنايه

ياما مشيت الدرب تايه و حافي

وأشواك وصلك دستها ياشقايه

قدرك تعرفه لاذرته السوافي

أجدده بالحب وجزل عطايه

يعني طلبتك أترك الجفن غافي

لا تجعل التعذيب للوصل آيه

أبعد وأنا لجل المحبه بشافي

همٍ يلازمني وهمٍ ورايه

ودام الحكي جالك من إنسان وافي

وش عاد ودك بعد كشف الروايه

من أول المشوار لآخر مطافي

حطيت لك في وسط صدري ولايه

وأظهرت لك ماكان بالقلب خافي

وأهديت لك كلي بصدق وعنايه

يعني بذمة شاعرٍ جاك لافي

تبغي وصالي لا وتبغي وفايه

تبطي حبيبي ما حصل منك كافي

تكفى لا تجعل همي اليوم غايه