يانعنبو جدّك ليا جيت بنساك

ولاّ طرالي أترك الشوق وأسلا

ياخذني الموت الحقيقي ولولاك

مانبي بعرف الموت للموت جهلا

حتى لساني لا تلعثم بماباك

أقول في نفسي ولا غيرك أغلا

عطني يمينك..مدّها لا عدمناك

يامرحبا في ذمتي لا وأهلا

ماغيرك اللي أعشقك وأتمناك

حتى طموحي يالغلا صاير أعلا

أبيك أنا منّا ومنّيه .. منّاك

هنا .. هناك .. هنيه ياويش لحلا

دامي أحبك أبشر اليوم برضاك

لا مت موتي في محبتك أشلا

يعني فداك اللي من الخلق يفداك

ماغيرك اللي في حياتي تمولا

دامك أمرت وحاكمٍ كل الأملاك

يحقلك لا صرت للقلب مولا