ياعِْمان يادار المطاليق ياعمان

ماني سعودي صرت لجلك عماني

أفديك أنا بالروح والدم وخوان

لا ثارت الهيجا وجار الزماني

سلامتك ياعمان والقلب مالان

في محنتك كنت اتمنى الأماني

كنت أطلب الله عالي القدْر والشان

وأرفع يديني طالب الرب شاني

يحميك من شر الكوارث وماكان

أقولها والأه وسط المحاني

يهون جْروحك ويعطيك لآمان

ماخاب منهو راجي ربّه أَماني

إرقي سنود الشعب مافيه خوّان

وإحنا معك ياعمان بأول وثاني

في فرحتك في محنتك وسط الأحزان

ناتيك ..نعلم كل من عاش فاني

واليوم ياعمان الأصيله ولا هان

قابوس لو ضاعت جميع المعاني

أتزف لك كل الدول .. كل الأوطان

سلامتك بجْمل ورود التهاني

تستاهلين الخير والخير هتّان

من فوق يمطر ريحته قيحواني

لنّك أصيله منبع الطيب عنوان

طيبك مع كلاً يجي بالثواني

وفيك الكرم أشكال واجد وألوان

لو آصفه ما يكتفيبه لساني

ياموطن الشجعان شجعان شجعان

هذا مثل سالم وذا قيهباني

يوم أقبلت (غونو )ومحصولها حان

محدٍ تردّى وأنطحوها مفاني

أنشهد إنهم منبع العز نيشان

وأفعولهم مثل الشفق يوم باني

وأقولها والراس مطنوخ .. مليان

ربّي يحفك ياعُمَان لعماني