دمعةٍ هلّت على خدّي مسا

لحظةٍ صعبة ومشوارٍ صعيب

يوم همّي في بحر صدري رسى

وضاقت الدنيا علي مثل الغريب

وموعد الفرقا على حالي قسى

وابتدا طفل السعادة بي يشيب

والحزن ثوبه لبسني واكتسا

والحنايا من لحن حزني تجيب

والأمل عطشان فيني واحتسا

من سراب الشمس باطراف المغيب

يا بعد كل الصبايا والنسا

ومن عرفته من بعيد ومن قريب

يا عسى الله يجبر احزاني عسى

ويجبر جروحي مع احزاني واطيب

ما نسيتك لا ولا قلبي نسى

لا ولا يطري علي غيرك حبيب