شهرٍ فضيلٍ وش نبي في غيابه

غير انتمنى جيته ونتحراه

يا مرحبا بالصوم يا مرحبا به

يالله بلغ كل منهو تحراه

اهلاً هلابه ثمٍ اهلاً هلابه

يقوله اللي كل وقته تمناه

ياحظ من يقضي بصومه شبابه

يبشر بجنات النعيم المسماه

شهر رمضان اللي لفانا سحابه

ياعل مزنه يسقي الربع من ماه

يارب ترضي كل منهو رضابه

وتعوضه يارب من وقتٍ اقضاه

درب السعد ياحظ منهو مشابه

يمشي بدرب الدين والخير ممشاه

هل رمضان وكل قلب اهتنابه

ما يهتنيبه غير من ربه ارضاه

شهرٍ فضيلٍ وش نبي في غيابه

غير انتمنى جيته ونتحراه

احلى ليال العمر وقتٍ لفابه

عشرين يوم وعشر ياسرع ممشاه

المغفرة من ربنا في رحابه

والرحمة بنصفه وياحلو ملفاه

وآخر لياليه وكثر من بكى به

عتق من النيران والعتق منجاه

به ليلة مذكورة في كتابه

سبحانه اللي فضل الليل وأعطاه