ليتني طير بسما فكرك واطير

واسبق اصوات الكناري واسمعك

ما أراقب خطوتك لكن أغير

ومن عيون الناس مااقدر أمنعك

أسمع إني في طرف عينك أسير

أسعد اللحظات دام إني معك

كل ما طلّ القمر عقب الأخير

مااذكر الا يا حبيبي مطلعك

كنك البدر الإلهيّ المنير

ليتني لو دمعةٍ من مدمعك

من كثر شوقي لشوفك يالغرير

أنوي المسفار لاجل آودعك

يا سحاب الشوق والمزن المطير

ما ألوم اللي لزينك دلعك

أنت مزيونٍ وبهجة للنظير

من جديلك يا حبيبي لاصبعك

ليتني ظلّ وظلالٍ لك أصير

وين ما تنوي وتمشي .. أتبعك