انا والله اني عن بيوت القصايد صادّ

ولا اشقيت روحي فالمخاليق انشّدها

أحب الرفيق اللي محلّه مع الرّواد

طليق الحجاج وضيقة النفس يطردها

عفيفِ لسانه لا منافق ولا نقّاد

وله غيبةِ عن شايبه ما تعمدها

واخوه الكبير ويوم اعاتبه وشّو عاد ؟

قضيه وعوده مدّعيها وشاهدها

علامك جفيت الدار يا ناصر الحمّاد

وتناسيت عربانِ منول توجدها

منوّل تجي فالعشر والاّ على ميعاد

ولاانتب تلفت فالمشقّه تكبدها

واشوفك قصرت الرجل مدري تعدّا الماد

وتقول ان رجلي ربع مشوار يَجْهَدْها

وانا آقول ظنّي ظن مدري وكاد اوكاد

سوالف ولد عمّك والى ضقت فاجحدها

اظن الختوم الزرق وسط الجواز جداد

او السالفه من كبر خشم الجبل وادهى

تشربكت فالدمام مدري غلاها زاد

عساها مظنّة خير والخير يسندها

اقوله وانا ويّا الغلا فالضمير جهاد

صديق وولد عم ومزايا ما اعددها

على العيد اعايدكم عسى عيدكم ينعاد

تحايا مع الايام حبّيت اجددها

فداك الغثيث اللي يجي فالنحر قدّاد

قليل المروّه والبسيطة يعقدهاا