مادمت تطلب يجيك القلب خفاقي

وابشر بهاحاضره مهيب مفهوقه

اعطيك مادام بالي للغنى راقي

ماوافق القلب من طبعه الى ذوقه

تقرير مبداواهيجن عقبه الباقي

اول بيانٍ عن المحبوب واحقوقه

واشوي واعلن لكم بيانٍ لحاقي

بغرامي اللي لو ازعل مانكسر طوقه

ابا اخفي اوراقها وابين اوراقي

دعوى غرامي مع الاوراق مرفوقه

لي صاحبٍ من عرفته مابعد ضاقي

منه الوفاء والنقاء والطيب بعروقه

اشتاق له موت والمحبوب يشتاقي

شوقٍ يعادل جروح الوقت وافتوقه

يستاهل الشوق سوق لذوقه الراقي

ياحظ من راس ماله ود معشوقه

لمه جذبني سحاب ولمع برّاقي

نّوارة من سحاب الغيث مخلوقه

قبله مااعرف ان فيه دموع وافراقي

وعقبه تقطّع بوسط القلب معلوقه

الرجم اشوفه ولكن وش لقى الراقي

الارض تحته وقرص الشمس من فوقه

لي كم ساعه وانا واقف على ساقي

واعزّي القلب كود يجوز عن شوقه

وارجع واغنّي ودمع العين حرّاقي

الشمعه اللي تجيب النّور محروقه