سلامة الجفن عل (الدمع) ماضره

تكفير ما جاه من هم وغربالي

حاولت اسره ولكن كيف انا آسره

حاولت اسره ولكم ماتهيالي

عندي وكنه علي ابعد من الحره

هّوه ولا فاد فيها قطع الاميالي

والروح من قبل قبل العام منجره

نزعت في ودها ياعسر محوالي

لا منها قابلت بالجيد والغره

والفاحم اللي على الامتان شلالي

بالصدر دره وهو من قبلها دره

غالي ثمنها قليل في نحر غالي

قلبي على يمته والعين مفتره

أخاف من هرجة بالناس تبرالي

لولا الرجا قلت دنيا كلها مره

الا ان ربي على مابي صخرهالي

دنيا غريبه بشين الطبع مجتره

الى تواسيت ابا اجلس فيها زالي

ركضت معها وخلتني على الجره

والليل خيم وانا في ربعها الخالي

دنيا بفرقا الولايف عادت الكره

فرقا قديمه وفرقا توها تالي

اجفل من الشارع المهجور ما مره

مدري وشاللي الى مريت يجرالي

مثل المجدف على الساحل يبي بره

والريح نطحه وزفه موجه العالي