حمامة ندي الصوت والريش هو والطوق

حلال عليك وبندقي مالها كيله

أبا أعطيك قلبٍ عذبه بالنهار الشوق

وأبا أعطيك عينٍ بالشهر نومها ليله

وأمانة تودين الأمانة هاك المخلوق

وتقولين ماله لو بغى الوصل من حيله

مغير يتصبر ويتذكر عساه يروق

على الرجم يزعج مع هبوبه مراسيله

سقى الله خيال زار والعين بالدغروق

منامي خفيف ومر والعطر بالشيله

تسلهم غنج واتسلهِم العين ثم أفوق

أخيله بنومي ثم إلى قمت ما أخيله

عيونه تذكرني بحر يوكر فوق

شماريخ ضلع وشايف بالسهل زيله

عليه السلام وفوقه القلب والمعلوق

هدية محب من حبيبه غرابيله