من طرت به فوق الثريّا/ وهو تحت ...

... على الثرى/ قال: الثريا بلادي

ما طاح وجهي في غيابه/ ولا طحت

كنت اشتعل لين انطفي في سهادي

وأنا ادري إني لو جرحته ، تجرّحت

خطاه (عذر)/ وعذر غيره (تمادي) !!

قال: (الغياب) ومثل ما جيت روّحت

لي من مدادك نشوتي وامتدادي

قلت: (الحضور) بلهفة العاشق البحت

وملامسة سقف الجنون الحيادي

يسعد عيونه كثر ما امسيت واصبحت

على هدبها هاربٍ من رقادي

واللي على بالي لو أقوله ارتحت

لكني ألقى عزتي في عنادي !

لو الحجر له قلب .. ويحس بالنحت

ما كان وجهه لعبةٍ للأيادي !!