مالك ترى في جرح الاحباب مصلوح

يلي بقلب احبابك ان غبت جارح

وين انت ناوي تغيب بالله وتروح

من دون مدري بك ولا . لي تصارح؟

(غيابك احزانٍ وضيقات وجروح

وهمٍ يشيد له بقلبي مسارح) !

خليتني بعدك جسد مابها روح

وفكرٍ يسج ودايمٍ فيك سارح

لاطول غيابك ترى مانت مسموح

ولا تفاصل ابغّيبَتك ولا تشارح

انت الزمن وانت الاماكن هوى الروح

ومالي بعد ماغبت والله مطارح

يعني بصراحه اقول لك شي بوضوح

القلب واضح لك وانا لك ب صارح

ان غبت مدري وينك/ (اعيش مجروح

طول العمر) (والصدر عرضة جوارح)

قلي ولو في صمت من دون ماتبوح

ليه الغياب اللي حداني ابارح

منازل احزاني وهجرك وانا أنوح

وأعد . كم ضلعٍ على البعد طارح ؟

ان كان لك بلي تسويه مصلوح

ارجع وقلي شي لو كان جارح !