متي علي الله ياهواي انتقابل

يابهجة اعيوني وقرة نظرها

يابشة اعيون(ن) بها الرمش ذابل

ومدله اعيوني ومبعد بصرها

ياضمة اضلوع(ن) بها القلب سابل

ويامن حنايا الروح جايب خبرها

يلي سحابه ذكر وان شيف وابل

وان غاب له فرجه ولا ياكبرها

لو تعذر الوسمي حقول السنابل

مارد روحي منك ولا اعذرها

والله لو بيتك ورى بيوت كابل

ودروبك اقرب من عناها خطرها

لمشي ولو تزرع دروبك قنابل

والروح وحده وانت شكلك قدرها

اموافق. وراضي . ومن جد قابل

ان روحي ارخصها معى من سحرها

شوفك غدير وفي حديثك بلابل

وشعرك سهر ليله ووجهك قمرها

وعينك محابيل(ن) لها الرمش نابل

وثغرك لهيب النار مدري جمرها

يامسلهمه عكش الرموش الذوابل

ويامنيت اعيوني وسبت سهرها

مدري متي بالله بس انتقابل

وتشوفك اعيوني ياقرة نظرها