العيد بكره وانا مدرى من أعايد

محروم من فرحة أحبابي و معايدها

عز الله ان الفرح فى جمعته كايد

وأن الحنايا الحزن والضيق بايدها

الناس فرحانه و من حولى أتعايد

ولو عايدتني ما أحس اني ب عايدها

لأن المشاعر عليها حزني السايد

ولأن الاحاسيس ماتبرى قصايدها

دام الفرح ناقصٍ والحزن بي زايد

ودام الوجع بين الاظلاع وبنايدها

مافيه ضيقه من الضيقات ما تحايد

حتى تجدد وسط صدري عوايدها

(اللى فقد غاليٍ لو كان ب يعايد

له غاليٍ فرحته ماهوب صايدها. ! )

يا عيد مامنك لي فرحه ولا فايد

لو كان خلق الله بفرحتك فايدها

حركت حزني . وانا والله متعايد

ب فراق أحباب لي وجيت زايدها

ياعيد مدري من اللي فيك بعايد

وأغلا البشر فيك ما أقدر أعايدها