اسلم وسلملي على من نوده

قلبي مود وزايد ٍ في وداده

قلبي مود وزايد ٍ فوق حده

ووداد خلانه شرابه وزاده

ود السلام لداعج العين وده

مانسنس الغربي وذعذع براده

الحبل من بين المحبين مده

ياموصل ٍ في كل حبل ٍ زياده

انا بنجد وصاحبي يم جده

مبعد بلادي عن ضواحي بلاده

ود الخبر يمه وعطني مرده

اضني اشعر بالفرح والسعاده

ذكرني البارق جبينه وخده

براق مزن ٍ قايد الخير قاده

والاشقر اللي فوق متنه يكده

ذيل الحصان اللى تزايد طراده

لاجيت اصد عن الهوا ماش صده

قلبي من الغالي تمزع فؤاده

واما رحمني لعنبو جد جده

وراه مابلغ لقلبي مراده