يا دار غني والبسي كل غالي

ثوب الفرح والحزن يا دار خلِّيه

رزي الفرح يا دار في رأس عالي

وما قالوا الشعار غنّي وشيليه

صيري كما عذرا كساه الجمالِ

لابو مبارك واشقر الرأس فِلّيه

عقب البطا شفناه والشر زالي

من فضل من نخشى عذابه ونرجيه

عمّ الفرح شرق وغرب وشمالي

وكن الجنوب بريحة الورد يدعيه

وتباشروا شيبانها والعيالي

والكل منهم جاه خويه يهنّيه

فرحوا ويشوف الله عليهم اظلالي

عين ترى حبّه وعين تحيّيه

من لامهم يعطى العمى والهبالي

في حب شيخ ما توصف حسانيه

أبوالفقارى والضعوف الهزالي

والشايب اللي ما لقا من يجديه

وكم من فقير شاف ضيم الليالي

حكومته تاخذ والشيخ يعطيه

وكم من شعوب تشكره ما تبالي

لو ما تعرفه بس تسمع بطاريه

معهم وقف وابموقفه لا يزالي

من طيب راسه ما يغير مباديه

دعواتهم له من عزيز الجلالي

اللي دعوا شعب داره دعوا فيه

كل دعا له بالشفا يوم قالي

قالوا عسى ربي يرده ويشفيه

شيخ الكويت اللي فعوله جزالي

غيث الوطن ما كل شيخ يحاليه

حكيم لاجن الماصيب اجلالي

حكيم راي وفق الله مساعيه

ما صك بابه عن جواب وسؤالي

ونظرات عينه كافيه مدت ايديه

في غيبته ما جا علينا خمالي

شعب الوطن لو هو بعيد يراعيه

الدار تنعم في أمان ودلالي

أرض الكويت اللي عسى الوبل يسقيه

في ظل من هم سورها أول وتالي

آل الصباح اللي على المجد تبنيه

هذا ولد عم وهذا ابن خالي

قد قالها شيخ افعوله اتزكيه

ابتوجيه من هو شال عنا الثقالي

ابوفهد جعل السعد في نواصيه

يمناك كان الوقت جابه ميالي

وشح الزمان وبين الخصم خافيه

أنتم سلايل من على الحكم طالي

من هيبته خصمه تقاصر هقاويه

امبارك اللي حطها في العلالي

ما حد تهقوا في زمانه تحديه

سبع الجزيرة يوم مر الحبالي

كم حاكم يخضع اليا جاء يحاكيه

وعقبه تولوها افحول الرجالي

ما راح حق وراعي الحق تعطيه

اللي حموها في رهيب السلالي

يوم الزمان اللي كثار بلاويه

وارجع على ما قلت بأول مقالي

وأطلب من اللي عالم ما نخفيه

ترجع وتلبس دارنا كل غالي

ويستقبلك شعب تحبه وتغليه

يقولها اللي للصباحي اموالي

من يوم مشيه فوق كفه ورجليه

ما يجحد المعروف لا جا مجالي

واللي جحد، ربك عن الحق مغويه

وما هل وأمطر من حقوق الخيالي

علي النبي صلوا وسيروا مماشيه