قلت قاف ياهل العرف غنوبه

بيض الله وجه من جا وغنابه

عدل الفنجال والنار مشبوبه

يوم بيت اعز ما سكرو بابه

عند ربع لا لفى الضيف هلوبه

كل منهم لا لفى الضيف هلابه

قدر الطيب لو جاك مندوبه

والردي خلّه على الوجه بغيابه

لا تعناله ولا تلتفت صوبه

ما يسرك لا عوى الذيب لذيابه

والخوي والضيف يلزمك ماجوبه

من يعين الناس وإلا من اللابه

مل قلب يسهر العين لا هوبه

ما تذوق النوم كل من أسبابه

من زمان فيه الايام مقلوبه

لهل العادات الطيب حرابه

والردي جت له على الكيف مطلوبه

كنها في تالي الوقت تزهابه

واترك الغايب ولا تظهر عيوبه

واطلب الي ما بعد خاب طلابه