كل ماقلت اجتمعنا تفرقنا الظروف

لين غابت عن عيوني ماعاد اشوفها

وادعتني قبل تمشي بنطق اربع حروف

وتركتني ليتها طوّلت بوقوفها

اشهد ان الحب بلوى يلوف القلب لوف

والحبايب يشعل النار بأقصى جوفها

التمني والتوجد وترديد الحسوف

مايزيد الروح ياكود كثرة خوفها

كل ماقمت اتفكّر بهذيك الوصوف

والثليل اللي كما الليل فوق كتوفها

زادت اشواقي وقمت احتريب ذيك الهنوف

وديآمتّع عيوني بزين وصوفها

كان ماشفت المها ياهلي من عاد اشوف؟

مار هااالدنيا تخوّف بكثر صروفها

كل ماقلت اجتمعنا تفرقنا الظروف

لين غابت عن عيوني ماعاد اشوفها