الا يا بنت لا يخدعك بالضحكة هذاك الشاب

ولايخدعك بهروجه ويجرحك قلبك الغالي

تنحّي عنه يا بنت الرجال وخلّي النصاب

تنحّي عنه لو يبكي وصوني قدرك العالي

قبل وقت الزواج الحب وسلوم الهوى تنعاب

ويبقى للشرف وقفات ماتنسام بالمالي

قبل وقت الزواج الحب صكي من وراه الباب

الا يا ماحلا قلبٍ من اوهام الهوى خالي

تراك الدرة اللي ماتبين بحظرة الاجناب

ثمينة ما يناظرها الغريب بكل الاحوالي

عنودٍ تلبسين من المعزة والعفاف ثياب

وبالدنيا يصير الدين لك هو خير الاعمالي

ترى جرح الهوى يابنت خطر و مثل سم الداب

وصعب انه مع الأيام عنه راعيه ينزالي