من لعينٍ دمعها دايم تهله

والسبب من حب غروٍ ماصفالي

مترفٍ مملوح فيه الزين كله

كاملٍ حسنه وللرب الكمالي

وردي الخدين والاشقر يفله

داعج العينين والممشى عدالي

قلبي المسكين بيدينه يتله

تل جمسٍ بين كثبان الرمالي

حبل وصله شربكه وازريت احله

اشهد انه من قويات الحبالي

يارفيقي صار بي مليون عله

كلها من حب هذاك الغزالي

ارجي الله جامع العاشق بخله

يرحم القلب الشقي ويرد غالي

واختصر باالهرج خوف انك تمله

واستعين بمن عليه الاتكالي