العمر ان طال ينهنّه آجاله

والمكتوب ما منّه اهروب

وبأمر الله مبداه اوزواله

رب الكون علاّم الغيوب

اللي فالحق ما كيفه عداله

وهو سلطان جبّار امهيوب

كريم مجيب للسايل اسواله

غفور رحيم عالتايب ايتوب

المؤمن وين يشكيله ابحاله

اللهن فراج عقدات الكروب

اسنين العمر يمشن بنعجاله

وريت الحى فالدنيا رغوب

ايسال امغير فللي ما يساله

ولا ينسال لا يفك امغلوب

ونطلب فيك يارب الجلاله

يا قسام رخات الشبوب

يا فكاك ع الواحل اوحاله

يا سلاك لويات الدروب

يا حنان عللي ضاق باله

من خاطيك غفارالذنوب

يا البديع يا كامل جماله

يا جلاي ضيقات القلوب

يالكمال يا وافي كماله

يالكبير يا واسع رحوب

ارحمنا يوم تضايق الجاله

يوم احساب للناس امحسوب