حتى وهو جفاكم شين شارب مره
عزاز عندكم عندى مساحه حره
ما ننساكم ولا نهونكم لا نحمله فرقاكم
ولاانريد لا نرضى بديل غلاكم
اعزاز ذكركم جبده هناء ومسره
حتى ونا ما قادر انطيق جفاكم
انكابر انخاف الخافيا اتعره
رهين جرح من جر الغلا وخطاكم
وشي مالزمان ومن بلاه وزره
مازلت بيكم فارح
اكبار عندكم عندى فضا ومطارح
حتى وهو جفاكم شين قلبي جارح
اعزا قدركم ما يوم ينقص ذره
غلاكم اتقول امعاى صار البارح
عليه من هذيك ومن هذي نطّرا
ما تقبلها العين جفوت اللي فالغلا دللها
لكن اتقول ابرادتى انحملها
لي عزم ما عمره خذلنى مره
ارضا للضمير وللغلا والهلها
ارضا الكل من دارت عليها جره
ويطير مالقلوب الزاعلات زعلها
هي اتروق والخاطر ايفضى سره