في روجينا شفتها والناس لو تعرف روجينه

كان ما قالو علام الشاعر مخلبط كيانه

بنت بدو علموها مصطلح لبس المدينه

وعلموها كيف تلعب بالعقول اللي تكانه

جت تجرب حظها والسوق كثرو سايميينه

وانثنت ما كنها الا ( فرع) (عود) لخيزرانه

علمتنا كيف نومن بالسهر شك ويقينه

وعلمتنا كيف نثني بالطرب دانه ..ودانه

البحر في بحرهايحتار من هز السفينه

والسفينه كنها تضفي على البحر اهديانه

ايتين الله عطاها واستحلتهن رهينه

الغنج وعيون سود يخلفن راع الديانه

جت تجاري في طربها شاعر فاقد حنينه

واستلذت في عذابه دامها تعرف حنانه

كل ما لدت نضرها يم غيره مستهينه

فز كنه واحد ممسوس وازداد بجنانه

قال يابنت افهميني والفتى يفهم بعينه

اسمعي ما جاك مني واتركي عنك اللعانه

منتى اول من عرفت ولا انتي احلى يا سمينه

ولا انتي اللي مع حلاها تملاء الدنيا رزانه

ولو تثنيت كذا وش عاد مانتي لي خدينه

والخفوق اللي جرحتي ما يبي شخص اهانه

بس ليه في رووجينا وانتهت داخل روجينه

والخفوق يعود للي مالك قمه حنانه