الهنوف اللي تفرد عن حلا كل الصبايا

علمتني كيف اشوف الموت بعيون ابدويه

وعلمتني كيف اجازي بالعفو بعض الخطايا

وكيف احس ان الهوا بعيونها مني وفيه

يوم لدت بالرموش ورمشها سوا سوايا

قلت عزاه لخفوق ما لقى بالرمش فيه

فاتنه في كل شي وكل ما فيها مزايا

الشعر والقد وسهوم الرموش الناعسيه

ايه الله في بلاد كلها حسن وغنايا

جت تبسم واضحكت والثلج بان بوسط فيه

قلت قرب قال لا...لا.. وش يقولون البرايا

والقلوب اللي تحب بنظره العاذل رديه

قلت ذنب القلب قالت ليه يطلع هالحنايا

قلت شاف اللي سباه وقالت الدنيا بليه

قلت علم من يرد العلم بعيون الزرايا

ان كل اللي بقلبك مالكه والعشق ليه

والهنوف اللي تفرد عن حلا كل الصبايا

علمتني كيف اذوق الموت والضحكه سويه