والله ان الشعر ياقف لعنبوه اليا دعيتك

مثل وقفه ضابط لاشاف وزير الدفاع

يا معذبني تلطف خلني لامن نخيتك

شفت وصلك غيث ود ياصل لحد النخاع

دام لك في خافقي منزال والخفاق بيتك

ليه تنزح من سهول البيد لعلو الرفاع

وانت مثلي غارق بي بس لامني لفيتك

كن مالي فيك قسمه غير اهات ووداع

اذكر الله لا تجازيني بصدك لا فديتك

خلني لحظه جنوني اصلك واقول طاع

والله اني ما عطيتك لو عطيتك ماعطيتك

غير خفاق يودك دام هالدنيا متاع

يا جنون الشعر جيتك لاكن اني يوم جيتك

مالقيت من الوفا الا خافق جاك انصياع

خاف ربك في وصالي واغتنم لحظات صيتك

واقترب لي ياعذابي لو غدا قربك ضياع

ايه احبك واعترف لك كل ماجيت وبديتك

شفت منك انت النهايه تبعث الامي شعاع

ويا معذبني دخيلك لا تهد اليوم بيتك

شف وصالك في خفوقي واصل لحد النخاع