الصيف حرك ذاريات المطاريش

مايحتمل قلبي وانا ما اتحمل

صفق الهواء حرك قلوب المداغيش

والقلب سافر شرق والخافق أشمل

ام أزرق الفستان والحسن والطيش

والمترف الرويان والطرف الاكحل

والناعسات ام الرموش العكاريش

لسلهمت واغضت بلا سهم تقتل

يإم الكفوف اللي زهتها النقاريش

الله مجملها وفعيوني اجمل

ليا اقبلت بشويش واليا اقفت شويش

مخصر الفستان بشويش يسأل

كوثر غلا سحر الثمان المراهيش

قالت ياسكر قلت لا (سكر) اثمل

لون ٍ الشفاه الراويات الٍمعاطيش

الكرديه اللي تقهواه يخجل

نعناع عشق ٍ ينعش الراس تنعيش

اخر دروب الحب والدرب الاول

وسمية ٍ سمى مطرها رشاريش

صبّت وكض بسيلها العرق وابتل

تبخترت جرد الضلوع المواحيش

خضر الفياض اللي كسها سفحها زل

ياناعم الديباج وخفيّف الريش

النسمة العذرية خفيّفة ظل

لولا الغلا والعشق والملح والعيش

ماكان كل الغيد : معطيهن اشكل