ماهوب انا اللي يسامح لو تخونيينه

ويخضع لسطوة غلاك وحكم سلطانك

رقمك مسحته من الجوال في حينه

قدام لا امسح تفاصيلك وعنوانك

من ذاكرة عمري المهدور وسنينه

اللي قضى بين لو عاتك وحرمانك

معقول انا كنت محبوبك وتنسينه

وانا الذي همت مع ندك وريحانك

ادري جميلة تقولين القمر وينه

بالزول والطول مااحدٍ ياقف وزانك

اجمل جميلة لياشافتك مسكينه

تحتار وتغار من روعة تليانك

ارخصت عمري عشان رضاك يازينه

يغشاك غيم المشاعر فاارض ولهانك

اعطيتك الحب والبستك تياجينه

واصبحت اسيراً لتفاحك ورمانك

المستحيل اصدق احبابك تبيعينه

اثري غريق اطلسي زيفك ونكرانك

اعماني الحب ، والدرب وعناوينه

وامسيت في قبضة اوهامك وتحنانك

حتى الغدر فيني اغمستي سكاكينه

خنتي حبيبك ، وانا شريت هجرانك