ماني على خبرك ولا خاطري سمح

ياصاحبي صديت عن بعض الأصحاب

أشد واقسى وقع من طعنة الرمح

ظلم أقرب الأقراب ، وأعز الاحباب

بعض الخطا يستاهل الصفح والدمح

أمّا خطا من دونه الطرف لاشابّ

يجمح خفوقي للوفاء واللقاء جمح

بس اسرق النظرة من الباب للباب

حزن السنابل كاسر ٍ خاطر القمح

كبر الغلا يسرق ويستأسر الباب

اكتب خطا واشطب خطا واكتبه وامح

ماتزهر الفرقاء رياحين واعشاب

استمح من كثر المعاذير واستمح

تلقى واباالقى للمعاذير مجناب

ماني على خبرك ولا خاطري سمح

ماعاد اعدي للمحبين مرقاب