ارفع يديك إلباسط البيد وادعه

ياضايق الصدر الفرج فالمقابيل

انا الغريب اللي شكى ضيم ربعه

واستانس الحرمان والقال والقيل

غنيت من ضيقه وللقاف بدعه

ابدع حسينات القوافي مواويل

للذابل من العمر طفيت شمعة

وايقظت طرف الشوق في عتمة الليل

غياب همس النور في ليل جمعة

شح السحائب من شحوب المواصيل

ابك المواصل واقتل الدمع وانعه

غياب همس الافئده والمراسيل

في ناظري من هجر الاحباب دمعه

خلاص ياهجران معاد بي حيل

لا الثوب ياسعني ولا نيب وسعه

الملم الذكرى وحلو التعاليل

اجمع ثمان اصدق غلانا وسبعه

اداعب النسمات وارحل مع سهيل

الحب قسمه واصدق العشق ولعه

عوج الضلوع ارضه نفود المداهيل

متى اللقاء اقطف لستوى حلو ينعه

متى متى والوقت بالفرحه بخيل

يالله عسى في تالي العمر متعه

واضماه شوق الارض لمعانق السيل