الباب كان .. وموجة الصبح ف الكف

تختال بيضا والثرى كله جروح

الباب كان .. وكاسر الغيث ما خف

حتى اشتعل وجه الشجر في فضا الروح

عساس كنت ومثلك الطير ف الشف

يدنيك سطر .. وتزعلك ضيقة اللوح

وامسيت ترقب كوكب ف الشفق جف

عنه اليدين اختارت الشمس والضوح

الباب كان .. وترعبك وحشة الرف

كيف المغيب المنطفي يشعل البوح

اذكر سألتك واسمر الوبل ما كف

وطيور وجهك تقبل اسراب وتروح

قلت المطر.. وافرد لك الهاجس العف

شمس المكان وخاطر الغيم مسفوح

ف البال بدو وقفوا للمطر صف

والباب كان لخاشع الصوت مفتوح