منطفي هالليل حولي .. والمنام

شمس .. والظل الهدب وانت النزيل

وادري انك ضقت بي كن الزحام

اصبعي .. والضيف عيني .. والمقيل

هب ياذا الليل .. يسهرك وينام

وانت في عيني يضيق بك السبيل

كيف اضمك نوم وعيوني قيام

في طلبك الوقت كله يا لخليل

اشهد اني ضقت بك: حد الغمام

واشهد انك ضقت بي: حد الفتيل

لو فرضت اني عجلت وف الكلام

قلت احبك .. بس نكرانك طويل

هاك من جفني على ضيقه سلام

واعتذر لي منك وافسح لي قليل

حتى اشوفك فيك وان ضاق المقام

جود لي من عينك الهدبا بديل

بي تشوف اني على قفر هدام

ما خبنت العين في ثوب الدليل