يامل قلبٍ يفك الهم ويخمه

خمة عجوزٍ ولدها بين روحيني

قدام تزهق حياته قال يايمه

ثم اصفقت من عظيم الوجد كفيني

طاحت على صدره اللي وقفٍ دمه

ويوم اذهنت جرت الونه بصوتيني

وقامت تخمخم يديه وجودت كمه

تبيه وأفخت وزاد الهم هميني

وعلى النعش يوم قفوبه بني عمه

طاحت وقامت وهامت وحالها شيني

تدوي على ثوبه المنطول وتشمه

وتسقي جفاف الشحوب بدمعت العيني

من حر فرقاه ماتمشي على اليمه

ولاتميز الأحد من يوم الاثنيني

وماترقد الليل من حزنه ومن همه

والقلب كنه يطَعن بالسكاكيني

كن المعزي يشوف عيونها يمه

إتغيب وتذهن ليا جوها المعزيني

وجابو لها الل قرا بالمصحف وتمه

يقرا عليها من القرآن ياسيني