كان السهر درب علينا يوديك

فما ودي أقطع درب وصلك بنومي

مثل النبشتى واقف في حراويك

من حرصي أقعد في مكاني وقومي

مادام هذا أولك ينعاف تاليك

عن فرحة المنه نعف ونشومي

مافيه طلبة مقفي عنك ما أبيك

يضيع الحب ولا تضيع السلومي

العام أبي ربي يقود الرجا فيك

واليوم عن اليوم يابعد حومي

أدري تبيني بس ماعاد يمديك

احسب مثل غيرك بنات النجومي

اليوم لو أرد راسي واناديك

كبرت علي شرهات ربعي وقومي