معك أنت ضاعت حبيبي علومي

شاطر ولكن صدتني قبل أصيدك

أسمح لي انقل عفش عيني وانومي

نومة نظر مابين خدك وجيدك

أقرب..وتبعدكم علي السلومي

وأنا لك اقرب بالغلا من وريدك

وأسمح لي أترك عندك أصغر همومي

وان قلت زدني والله اني ازيدك

مشاعرك نحوي من العام تومي

وامسحك من دفتر قصيدي واعيدك

وما أستجدي الفزعه من عيون قومي

اصافح كفوف ولا تشبه أيدك

في حضرتك كن القصيد معزومي

بيني وبينك في فرح يوم عيدك

تبي الحقيقه لو ما أرخصت سومي

قلبي يبيك..وهاجسي مايريدك