الصاحب اللي مدر عني بلذاته

عليه أخم الدروب ومر أخطيها

أكثر جروحي دواها من مبراته

ومر يداو الجروح ومر يدميها

والصبر ضاقت على المشفى مساحاته

وباب الرجا حلقته في كف راعيها

تيه ركاب المودة وسط مظماته

وتلفت واتلفت روحي في مظاميها

وهاذي من اسبوع ياناصر وطياته

مر يفل الشفوف ومر يطويها

ماغير اصايد هوى نفسه ورغباته

لاشفت له رغبة جيت بحراويها

علي خلا الفراق يوثق وصاته

وماتذرف الدمعة إلا عين باكيها

الله علم يوم قفى ويش نياته

نفوس المحبين مايدرا بخافيها

عساه يرجع وترجع لي مسراته

وترجه مياه المودة ف مجاريها

من جرب الحب لايفرح بسمحاته

مادام عج الليال العوج قافيها

واشين حب الفراق واشين لوعاته

الله لايرحم الفرقا وطاريها

آواه من خلي اللي كثير غلطاته

عجزت أميز بعضها منه وأحصيها

ولون من صاح يدرك فايت فاته

كان اكثر الناس ماتنسى عزاويها

لا اصيح صيحة مقل شاف مشهاته

يشوفها بالعيون ومزري فيها

من واجب الرجل مايدري بغاياته

يابو سعد فول الدنيا وتاليها