لاترفعين ايديك طار الشعر..طار

هوى كفوفك طيره عن مكانه

الكف قلبي والصدر غادي طار

ارقص بعود كنه الخيزرانه

عليك عاجت روسها كل الانظار

وحولت فارس رغبتي عن حصانه

وجيتك وانا كني حطب شعلة النار

والخل مايرضى لخله مهانه

ارحم تراني مت واشربني اعذار

وعلى الرضا عطني دليل وضمانه

صدر قرار العفو لياك تحتار

اغلى هدايا اللي كريم حنانه

بيني وبينك قصة فراق واسرار

سوالف خليتها معك امانه

شربت هم الحب من كف الاقدار

وكم واحد قبلي غدر به زمانه