عزيز النفس لامنه تذمر

و بيّن لك عن اللي كان يضمر

فلا ترضى بغير انك تجاوب

نداه بطوع و لاّ كنت مجبر

يردّ الطيب لهل الطيب طيّب

رجاه و غايته بالطيب يفخر

و انا رديت من شيّ(ن) بدا لي

مخيّر صاحبك ماهو مسيّر

أنا رديت و اكثر ماعنيته

أشوف اللي زهمته كان يخبر

أشوفك بوصباح ان كنت تدري

عن الشي الذي فيني تدهور

عن الضحكات واوقات(ن) مضت لي

و انا ساهي عن اللي كان يحفر

شباب وضحكتي فيها بساطه

و اصفي نيّتي عن لا تعثر

واذا بالضيم واجهني رفيقي

فباب الصفح لايمكن يسكّر

واذا همّ(ن) دهاني قلت حكمه

مقدّر ماجرى والله مقدّر

تلاشى مابدا فيني تلاشى

تبخّر كل ماشفته تبخر

اشوف رضاي هم االي دعاني

و اذا قفيت عزّي له يدمّر

و با لحدان أنا لامن شكيته

شكتني طيبتي كيف آتنكر

وأنا صادق عناي بكلمتي له

و لكن الحكي عنده مسخّر

فشوف اوقاتنا كيف استمالت

صروف الوقت هدّت ماتعمّر

وشوف عداك كم واحد تبدّى

و شوف الخِل كم مرة توخر

يعزّك لارمق عزه بعزك

و اذا طحت التفت عنك وقصّر

ألايا بو صباح و ما ذخرته

تراه أكبر من اللي قيل وأكثر

عرفت اللي يبيّن ما خفيته

هذاك ان قلت يالغالي تصبّر

تقول اسمع تفكّر بالمشاكل

ألا وين الذي عقله تدبّر

ألا وان شفت جيلي به حقيقه

تذمّر عل يقرونه تذمّر