تو ما طاب الشعر ياهاجسي لاتسري

دربي الليلة طويل وفكرتي مجنونه

الله أكبر لانتشى وسط الليالي شعري

هُونه الدرب البعيد المدلهم ياهونه

السوالف مغريه وقلبٍ سباها يغري

والحنايا تشتكي مشاعرٍ مسجونه

تطري الذكرى علي وليتها ماتطري

خوفي تبعثر خفايا ساكنه مركونه

ان تبدّت هيّجت مد المحيط الفكري

وان توارت عن عيوني خان شعري لونه

إيه يا وجدٍ يغيب ويرتمي في صدري

أخلف المقفي وَعَده وطاوعته ظنونه؟

يا هواه اللي مَعَه عن ضيقتي ما تدري

إنشد أفكاره تعَرف دعيج هو وشلونه

تسري طيوفه على بالي واظنها تجري

صوب شريان المشاعر والوله وطعونه؟

ليت قلبي عن جروحه يلهي ومايبري

ليتها مابينه وبين الصدر مدفونه

يمكن إليا جيت في ذكر القصيد العذري

تفزع جروحه على قيفاني ويطرونه

شفت وشلون الوله يا هاجسي مستشري

شفت وشلون المشاعر للهوى مرهونه؟

يوم أجيك وأطلبك بدري تروّح بدري

أدري ان الشعر له طلاّبةٍ يبغونه

بس شعري لابغاك بليلةٍ ماتسري

اعرف ان الدرب طال وفكرتي مجنونه