يالله يا اللي ماش حال يكوده

رب لطيف تصرف الريح تصريف

ان ترحم اللي وحدوا به جنوده

احد صلح واحد تحدر على السيف

حنا الي كل تمصلح بقوده

نصلح بقب كنهن الشواحيف

طريحنا سحم الضواري تروده

الى ركبنأ لينأت المحاريف

نزلت يم القهب باوسط نفوده

واصيح للغلبا بروس المشاريف

اهل ديار موثقين حدوده

واهل مهار يلعبن الغطاريف

من حده البرقا لشرقي نفوده

حامينها الغلبا بروس المراهيف

وانشد سعد من خالهم ويش فوده

اللي يصرف له من الحكي تصريف

ماجاب طهطأم حصأن يقوده

ولا مهره تبرىآ لجيش منأكيف

ان خاف قرب جدهم من جدوده

وهم على عامر عصاه مواليف