تعال علمني عن ايام فرقاي

ياللي تغيب وصورِتِك ساكنه فيّ

شوف الزمان اللي خذا من بقاياي

ياخذ من اشيائي ولاقلت له .. ليّ!

تعال غنّى الحزن فيني عَلَى الناي

عسى تغيب الناس بس اتحضر هيّ

يامصدر الضحكات على محياي

اقرب شفاي شويْ بقول لك شئ!

تبيني اقول الك وش صار وياي.؟

كل حزّه العن ساعة امواجهك لي

اخذتني بالغصب ماهوب برضاي

وانا موصّي قلبي ان نادتك عيّ

يالهفة المشتاق ياقمّة امناي

شفني انا الظامي وبشفاهك المي

تعال لوّن بابتسامتك لقياي

ياشْتاي ياصيفي وياشمس يافي

اثبت لك انّك كل حاجه بدنياي

لاهنت عطني بس من وقتك شوي

مادام موتي لجلك اطهر نواياي

ماهو غريب ان قلت لجلك انا .. حيّ