أليا جهلت انشد ترى مابها عيب

لا تنخدع للجهل وأنت السبايب

عيب الفتى مافية شك ولاريب

ترك الفروض وقطع وصل القرايب

والعيب ترك ملازمات المواجيب

وتبع الردى ومجالسة كل خايب

فالتجربة برهان مافية تكذيب

واليا جهلت انشد من القوم شايب

ولا قول يوجد شايب يعلم الغيب

الغيب يعلم به مدير الهبايب

لاشك يوجد شايب له تجاريب

ومن الدهر شاف الفكر والعجايب

بيض النواصي جبهته كلها شيب

من كثر ما مرت علية المصايب

قد صارع الدنيا على الخبث والطيب

فالغوص وإلا فوق عوص النجايب