يامعالج الجرح صبري واصلا ً ماده

وعلاج قبل امس زاد الجرح ماسرّه

احرجتني في سؤال مااعرف ابعاده

والناس للناس محتاجه ومظطرّه

اخفض جناحك ترى دنياك حداده

وترى سليمان قبلك خاطب الذرّه

وجرحي ترى مايبي دكتور وعياده

يحتاج قلب رحيم ونظرة حره

وان كان جرحي بقى والطب مافاده

اعود وانصحك ياقلبي مية مرّه

لا عاد تحلم بشي فات ميعاده

قد ايش تبكي وكبدك ليه محترّه

اصبر على ماقضاه الله وماراده

يكفيك فعل الزمن بمحمد الدرّه

ويكفي من الوقت خمس عقود وزياده

ماعاد خلت بكبدك قطرة مرّه

وان قلت انا في زمان فات لي عاده

دارت رحاة الزمان وجتك مفترّه

ريح ضميرك وخل الوقت وجهاده

لعل خير الزمان يفك من شرّه

اما يقوم الجمل شقران بشداده

والا تهب الهبوب وتقتل الجرّه