ياهن ابن هن ماوالله ارداك

ومااردى نصيب اللي يسوي سواتك

ومااردى نصيب اللي من البعد ينصاك

يبا العشا ويشوف بعض احركاتك

تحلق الشارب من الدين ياذاك

ودك تخدع المومنين بصلاتك

لكن وش تكسب بدينك ودنياك

لا صار ترك الواجبه من صفاتك

لا صار ضيف الله تلقيه علباك

باقي علومك خشها في عباتك

الجود مافقّرك والبخل مااغناك

ولا تحسب انك مت من موت شاتك

الخاتمه من يوم هاذي سواياك

بالله لا تعطي عتابه بناتك

تكثر بنا الرديان مثلك وشرواك

وتروح تشمتنا الرجال بشماتك